කොළඹ LNW: මේ දිනවල මෙරට ප්‍රධාන චිත්‍ර ශිල්පීන් 55කගේ කල නිර්මාණ එකතුවක් ලෙස POP UP ART EXHIBITION ප්‍රදර්ශනයක් සංවිධානය කර තිබේ.
කොළඹ 07 ජෝර්ජීස් පෙදෙසේ Art Rhizome – Artist – Run Space හි පැවැත්වෙන එම ප්‍රදර්ශනය එළඹෙන 24 වැනිදා දක්වා පැවැත්වෙයි.
එය ආරම්හ වූයේ පසුගිය අප්‍රේල් 28 වැනි දින වන අතර බොහෝදෙනෙකුගේ ඉල්ලීම මත ප්‍රදර්ශනය පැවැත්වෙන කාල සීමාව මැයි 24 දක්වා දීර්ඝ කර තිබේ.
පින්තාරු නිර්මාණ මෙන්ම මුර්ති නිර්මාණද එහිදී දැකගත හැකියි.
පෙරවරු 10.30 සිට පස්වරු.6.00 දක්වා පැවැත්වෙන එම ප්‍රදර්ශනයට ඉතා හොඳ මහජන ආකර්ෂණයක් ලැබී තිබෙන බවයි එහි සංවිධායකයින් පෙන්වා දෙන්නේ.
සහකම්පනීය තේමා රැසකින් චිත්‍ර ඉදිරිපත් කර ඇත.
ජායාරූප – අජිත් සෙනෙවිරත්න
