සටහන – පුලී
මැයි 16, LNW (කොළඹ): කොංගෝ ප්‍රජාතන්ත්‍රවාදී ජනරජයේ නැගෙනහිර ඉටුරි පළාතේ ඉබෝලා පැතිරීමක් පිළිබඳ තතු අප්‍රිකාවේ ඉහළම සෞඛ්‍ය ඒජන්සිය විසින් ප්‍රකාශයට පත් කර තිබේ.
ප්‍රධාන වශයෙන් රන් කැණීම් කරන නගර වන මොන්ග්වාලු සහ රුවම්පරා නගරවල රෝගීන් 246 ක් සහ මරණ 80 ක් පමණ මේ වනවිට වාර්තා වී ඇති බව අප්‍රිකානු රෝග පාලන හා වැළැක්වීමේ මධ්‍යස්ථානය (අප්‍රිකා CDC) ප්‍රකාශ කරන ලදී.
උගන්ඩාවේ නිලධාරීන් පිරිසක් ඉකුත් සිකුරාදා කොංගෝ ප්‍රජාතන්ත්‍රවාදී ජනරජයෙන් ආ ඉබෝලා රෝගයක් පිළිබඳ තතු තහවුරු කළ අතර, ඉකුත් බ්‍රහස්පතින්දා මියගිය 59 හැවිරිදි පිරිමි පුද්ගලයෙකුට වෛරසය ආසාදනය වී ඇති බව එරට සෞඛ්‍ය අමාත්‍යාංශය ප්‍රකාශ කර තිබේ.
මෙම ඉබෝලා වෛරසය ප්‍රථම වරට 1976 දී වර්තමාන කොංගෝ ප්‍රජාතන්ත්‍රවාදී ජනරජය ලෙස හඳුන්වන ප්‍රදේශයෙන් සොයා ගන්නා ලද අතර එය වවුලන්ගෙන් පැතිර ගිය බවට සැලකේ.
