රෂිකා හෙන්නායක මැයි 19, කොළඹ LNW :
ශ්‍රී ලංකාව සහ ඉන්දියාව අතර ටෙස්ට් ක්‍රිකට් තරගාවලියක් එළඹෙන අගෝස්තු මාසයේදී පැවැත්වීමට සැලසුම් කර ඇති බව වාර්තා වේ.
ලෝක ටෙස්ට් ශූරතාවලියට අයත් මෙම තරග අගෝස්තු 15 වනදා සිට 27 වනදා දක්වා කාලය තුළ පැවැත්වෙනු ඇතැයි අපේක්ෂා කෙරේ.
කෙසේ වෙතත්, තරග පැවැත්වෙන නිශ්චිත දින වකවානු සම්බන්ධයෙන් මෙතෙක් අවසන් තීරණයක් ගෙන නොමැති බව සඳහන් වේ.
එමෙන්ම, දෙරට අතර පැවැත්වීමට නියමිත විස්සයි විස්ස තරග පිළිබඳව ද මෙතෙක් ස්ථිර එකඟතාවයකට පැමිණ නොමැත.
