ආසියානු කුසලාන T20 ක්‍රිකට් තරගාවලියේ අවසන් මහා තරගය ජයග්‍රහණය කිරීමට ශ්‍රී ලංකා කණ්ඩායම ඊයේ (11) සමත් විය.
කාසියේ වාසිය දිනූ පාකිස්ථාන පිලේ නායකයා විසින් පළමුවෙන් පන්දුවට පහරදීමේ අවස්ථාව ශ්‍රී ලංකාවට ලබාදුන් අතර එහිදී ශ්‍රී ලංකා කණ්ඩායම පන්දුවාර 20 අවසානයේ කඩුළු 6ක් දැවී ලකුණු 170ක් රැස් කළේය. භානුක රාජපක්ෂ නොදැවී ලකුණු 71ක් ලබාගත් අතර වනිඳු හසරංග ලකුණු 36කුත් ධනංජය සිල්වා ලකුණු 28කුත් ලගාත්තේය.
ඉන් අනතුරුව ලකුණු 171ක ජයග්‍රාහී ඉලක්කය හඹාගිය පාකිස්ථානයට පන්දුවාර 20 අවසානයේ සියලු දෙනා දැවී ලබාගත හැකිවූයේ ලකුණු 147ක් පමණි. පන්දු යැවීමේදී ප්‍රමෝද් මධුෂාන් කඩුළු 4ක් දවාගත් අතර වනිඳු හසරංග කඩුළු 3ක් දවාගත්තේය.
ඒ අනුව ලකුණු 23කින් අවසන් මහා තරගය ජයග්‍රහණය කරමින් ආසියානු කුසලානය දිනා ගැනීමට ශ්‍රී ලංකා කණ්ඩායමට හැකිවිය. ආසියානු කුසලාන විස්සයි විස්ස තරගාවලියකදී ශ්‍රී ලංකා පිළ මීට පෙර අවසන් වරට ශූරතාවය හිමිකර ගත්තේ 2014 වසරේදී ය.
RN
