කොළඹ LNW:කිලිනොච්චි බටහිර උදයනගර්හි තරුණ දෙමළ සංගීතඥයෙකු වන 24 හැවිරිදි ගනේෂ් කුමාර් සංකීතන්ව දින 14කට සිරගත කිරීමට ගත් තීරණයට විරුද්ධත්වය ප්‍රකාශ කරමින් අද (10) කොළඹ ජනාධිපති ලේකම් කාර්යාලය ඉදිරිපිටදී විරෝධතාවක් සංවිධානය කර තිබුණි.
ප්‍රකාශනයේ, භාෂණයේ නිදහසට බාධා පමුණුවා තිබෙන දැනට ක්‍රියාත්මක ත්‍රස්තවාදය වැළැක්වීමේ පනත මෙන්ම ඊට විකල්පයක් ලෙස ගෙන ඒමට නියමිත නව පනතද අහෝසි විය යුතු බවට එහිදී අවධාරණය විය.
දේශපාලන මෙන්ම සිවිල් ක්‍රියාකාරිකයින්ගේ එකමුතුවෙන් පැවති එම විරෝධතාවේදී මූලිකව මතු කර තිබුණේ භාෂණයේ නිදහස් ආරක්ෂා විය යුතු බවයි.
ජායාරූප – අජිත් සෙනෙවිරත්න
