පසුගියදා අභාවප්‍රාප්ත වූ බ්‍රිතාන්‍යයේ දෙවැනි එළිසබෙත් මහ රැජිනට ශෝකය පළකිරීමේ යෝජනාවක් පාර්ලිමේන්තුවට ඉදිරිපත් කිරීමට පක්ෂ නායකයන්ගේ රැස්වීමේදී එකඟතාවයකට පැමිණ තිබෙනවා. ලබන සිකුරාදා (23) ශෝකය පළකිරීමේ විවාදය පැවැත්වෙනු ඇත.
23 වැනිදා පෙරවරු 9.30 සිට දහවල් 12.30 දක්වා විවාදය සඳහා කාලය වෙන්කර තිබේ.
මහ රැජිනගේ අවසන් කටයුතු සිදු කරන 19 වැනිදා ජාතික ශෝක දිනයක් ලෙස දැනටමත් ප්‍රකාශ කර ඇති අතර එදින රජයේ විශේෂ නිවාඩු දිනයක් බවටද පත්කර තිබේ.
මැයි 09 වැනිදා නොසන්සුන්කාරී සිදුවීම් අතරතුර වෙඩිවැදී මියගිය, පොදුජන පෙරමුණේ පොළොන්නරුව දිස්ත්‍රික් පාර්ලිමේන්තු මන්ත්‍රී අමරකීර්ති අතුකෝරල මහතාට ශෝකය පළකිරීමේ යෝජනාව පසුගිය සිකුරාදා විවාදයට ගැනීමට නියමිතව තිබූ අතර හිටපු මන්ත්‍රීවරයාගේ පවුලේ සාමජිකයන් පිරිසක්ද පාර්ලිමේන්තුව වෙත පැමිණ සිටියේය. කෙසේ නමුත් ප්‍රමාණවත් මන්ත්‍රීවරුන් පිරිසක් පාර්ලිමේන්තුව වෙත පැමිණ නොසිටි හෙයින් අදාල යෝජනාව ඉදිරිපත් කිරීම කල්දැමීමට සිදුවිය.
UN
