රෂිකා හෙන්නායක ජූනි 27, කොළඹ LNW :
ජාතික ඩෙංගු මර්දන වැඩසටහනට සහය දක්වමින් ජනාධිපති ලේකම් කාර්යාලය විසින් අද (27) උදෑසන ශ්‍රමදාන ව්‍යාපාරයක් පවත්වන ලද අතර, ඒ සඳහා ජනාධිපති ලේකම් කාර්යාලයේ සහ අග්‍රාමාත්‍ය කාර්යාලයේ නිලධාරීන් සහභාගී විය.
රාජ්‍ය ආයතන පිරිසිදු පරිසරයක් පවත්වා ගැනීමට සහ රට පුරා ඩෙංගු රෝගය වේගයෙන් පැතිරීම වැළැක්වීමට දිරිගැන්වීම සඳහා මෙම පිරිසිදු කිරීමේ ව්‍යාපාරය සංවිධානය කරන ලදී.
ජනාධිපති ලේකම් කාර්යාලය අවට ප්‍රදේශය ආවරණය කරමින් බේරේ වැව සහ බාලදක්ෂ මාවත ඔස්සේ අරලියගහ මන්දිරය දක්වා මෙම ව්‍යාපාරය ව්‍යාප්ත විය.
ජනාධිපති කාර්ය මණ්ඩල ප්‍රධානී ප්‍රභාත් චන්ද්‍රකීර්ති, ජනාධිපති ජ්‍යෙෂ්ඨ අතිරේක ලේකම් රොෂාන් ගමගේ, අග්‍රාමාත්‍ය ලේකම් ප්‍රදීප් සපුතන්ත්‍රි සහ ජනාධිපති ලේකම් කාර්යාලයේ සහ අග්‍රාමාත්‍ය කාර්යාලයේ නිලධාරීන් සහ කාර්ය මණ්ඩලය මෙයට සහභාගී වූහ.
