සටහන: සශිකලා මධුෂාණි
ජූලි මස 13: ලෝකය(අවුට්බවුන්ඩ් ටුඩේ): එක්සත් ජනපද ජනාධිපති ඩොනල්ඩ් ට්‍රම්ප් විසින් අභ්‍යන්තර ආදායම් සේවය (IRS)ට එරෙහිව ගොනු කළ ඇමෙරිකානු ඩොලර් බිලියන 10ක නඩුව “අනිසි අරමුණක් සඳහා ගොනු කළ නඩුවක්” බව ෆ්ලොරිඩා ප්‍රාන්තයේ ෆෙඩරල් විනිසුරු කැත්ලීන් විලියම්ස් තීන්දු කර තිබේ.
මෙම නඩුව ගොනු කර තිබුණේ ට්‍රම්ප්ගේ බදු තොරතුරු නීතිවිරෝධී ලෙස හෙළිදරව් වූ බව පවසමිනි. එහෙත් විනිසුරුවරිය පෙන්වා දී ඇත්තේ නඩුව මගින් නීතිමය වාසියක් ලබාගැනීමට සහ අධිකරණ ක්‍රියාවලිය තමන්ගේ වාසියට යොදාගැනීමට උත්සාහ කර ඇති බවයි.
ඒ අනුව, ට්‍රම්ප්ගේ නීතිඥයන් සහ රජයේ නීතිඥයන් අතර ඇති කරගත් සමථ ගිවිසුම අධිකරණය අවලංගු කර ඇති අතර, එය ඉදිරි නීතිමය කටයුතු සඳහා භාවිත කළ නොහැකි බව ද නියෝග කර තිබේ.
එමෙන්ම, මෙම නඩුවට සම්බන්ධ ට්‍රම්ප්ගේ නීතිඥයන් දෙදෙනෙකුගේ ක්‍රියාකලාපය සම්බන්ධයෙන් වෘත්තීය විනය ක්‍රියාමාර්ග ගැනීම සඳහා අදාළ බලධාරීන් වෙත යොමු කිරීමට ද විනිසුරුවරිය නියෝග කර තිබේ.
