සටහන: සශිකලා මධුෂාණි
ජූලි මස 16: ලෝකය(අවුට්බවුන්ඩ් ටුඩේ): ඉරානය සහ එක්සත් ජනපදය අතර ගැටුම් තවදුරටත් උග්‍ර වෙමින් පවතින අතර,එක්සත් ජනපදය ඉරානයේ ප්‍රදේශ කිහිපයකට යළිත් ගුවන් ප්‍රහාර මාලාවක් දියත් කර තිබේ.
හෝර්මුස් සමුද්‍ර සන්ධියේ ඉරාන වරායක් වෙත ගමන් කරමින් තිබූ තෙල් නෞකාවකට Hellfire මිසයිල ප්‍රහාරයක් එල්ල කර තිබූ අතර විදෙස් මාධ්‍ය වාර්තා කළේ, ඉරානයේ දකුණු ප්‍රදේශවල පිහිටි හමුදා සහ නාවික ඉලක්ක රැසකට මෙම නව ප්‍රහාර එල්ල කර ඇති බවයි. කෙෂ්ම් දූපත, බන්ඩර් අබ්බාස් සහ චාබහාර් ආශ්‍රිත ප්‍රදේශවල පිපිරීම් ද වාර්තා වී ඇත.
ඊට ප්‍රතිචාර වශයෙන් ඉරානය බහරේන් සහ කුවේට් රටවල ඇමරිකානු හමුදා කදවුරු වෙත ප්‍රති ප්‍රහාර එල්ල කර ඇති අතර ඇමෙරිකානු ජනාධිපති ඩොනල්ඩ් ට්‍රම්ප් ඉරානයට දැඩි අනතුරු ඇඟවීමක් නිකුත් කර ඇති අතර “ඉරානය හොඳින් හැසිරිය යුතුයි. එසේ නොකළහොත් එහි ප්‍රතිවිපාකවලට මුහුණ දීමට සිදුවනු ඇත” යනුවෙන් ප්‍රාකාශ කර ඇත.
හෝර්මුස් සමුද්‍ර සන්ධිය සම්බන්ධයෙන් ඇති වී තිබෙන මෙම අර්බුදය ලෝක බලශක්ති වෙළෙඳපොළට දැඩි බලපෑමක් එල්ල කර ඇති අතර, ජාත්‍යන්තර නාවික ගමනාගමනය සහ ගෝලීය බොරතෙල් සැපයුම පිළිබඳව ද දැඩි අවිනිශ්චිතතාවක් මතුවී තිබේ.
