විදුලි ගාස්තු සහන ඉවත් කිරීම හරහා ආගමික ස්ථාන බරපතල අර්බුදයකට මුහුණ දී සිටින බවත්, චිරාගතව පැවතෙන ආගමික පුද චාරිත්රයන් නොපවත්වා ජනතාව ආගමික සිද්ධස්ථාන කෙරෙන් ඈත්වීම අනාගතයේදී සමාජය තුළ බොහෝ අනිටු ඵල විපාක ඇතිකිරීමෙහි ලා හේතු විය හැකි බව ත්රෛනිකායික මහ නාහිමිවරුන් අවධාරණය කරනවා.
විදුලි ගාස්තු සංශෝධනය හේතුවෙන් බෞද්ධ විහාරස්ථාන ඇතුළු ආගමික ස්ථාන මුහුණ පා ඇති අර්බුදකාරී තත්වය සම්බන්ධයෙන් ජනාධිපතිවරයා වෙත ලිපියක් යොමු කරමින් මහ නාහිමිවරු මේ බව කියා සිටී.
මහජනතාවගේ පරිත්යාගවලින් නඩත්තු වන ආගමික ස්ථාන, නව සංශෝධනයේදී මුල්යමය ලාබ ලබන කර්මාන්තශාලා මට්ටමේ ලා සලකමින් කටයුතු කරන බව පෙනී යන බවත්, මේ නිසා බෞද්ධ විහාරස්ථාන, පිරිවෙන් අධ්යාපන ආයතන ඇතුළු ආගමික සිද්ධස්ථාන පවත්වාගෙන යා නොහැකි බවත් අදාල ලිපියෙන් පෙන්වා දෙනවා.
මතුව ඇති අර්බුදකාරී තත්වය සැළකිල්ලට ගෙන ආගමික සිද්ධස්ථාන සඳහා ක්රමවත් හා සහනශීලී නව විදුලි ගාස්තු ප්රතිපත්තියක් සකස් කිරීම සඳහා මැදිහත් වන ලෙස මහ නාහිමිවරු ජනාධිපතිවරයාගෙන් ඉල්ලා සිටිනවා.
UN