රෂිකා හෙන්නායක ජූනි 24, කොළඹ LNW :
වත්තල, පල්ලියවත්ත ප්‍රදේශයේ පැවති උපන්දින සාදයකදී සිදුවූ වෙඩි තැබීමක් සම්බන්ධයෙන් පොලිසිය තොරතුරු අනාවරණය කරගෙන තිබේ.
මෙම ප්‍රහාරය ‘කුඩු රොෂාන්’ නමැති මත්ද්‍රව්‍ය ජාවාරම්කරුවෙකු ඉලක්ක කර ගනිමින් එල්ල වූවක් බව විමර්ශනවලදී හෙළි වී ඇත.
මෝටර් රථයකින් පැමිණි තුවක්කුකරුවෙකු විසින් එල්ල කරන ලද මෙම වෙඩි ප්‍රහාරයෙන් ඉලක්කය වැරදී වෙනත් පුද්ගලයෙකු බරපතළ තුවාල ලබා රෝහල්ගත කිරීමෙන් පසු මියගොස් තිබේ.
මෙලෙස ඝාතනයට ලක්ව ඇත්තේ බොරැල්ල ප්‍රදේශයේ පදිංචි 39 හැවිරිදි පුද්ගලයෙකු බව වාර්තා වේ.
සැකකරුවන් හඳුනාගැනීම සහ අත්අඩංගුවට ගැනීම සඳහා වත්තල පොලිසිය මේ වන විට පුළුල් පරීක්ෂණයක් ආරම්භ කර ඇත.
මෙම සිද්ධිය මත්ද්‍රව්‍ය ජාවාරම්කරුවන් අතර පවතින ගැටුමක ප්‍රතිඵලයක් ලෙස සැලකේ.
