රෂිකා හෙන්නායක අගෝස්තු 20 , කොළඹ LNW :
ශ්‍රී ලාංකේය සංගීත ක්ෂේත්‍රයේ ප්‍රවීණ ගායන ශිල්පිනියක වූ විශාරද නන්දා මාලනී මහත්මියගේ අභාවය වෙනුවෙන් 2026 අගෝස්තු මස 21,22 සහ 23 යන තෙදින ජාතික ශෝක දින ලෙස නම් කිරීමට රජය තීරණය කර ඇත.
මේ පිළිබඳ වැඩිදුර විස්තර රාජය පරිපාලන, පළාත් සභා සහ පළාත් පාලන අමාතයාංශය
මගින් ඉදිරියේදී නිකුත්ම කිරීමට නියමිතයි.
ඇය වෙනුවෙන් අවසන් ගෞරව දැක්වීමට බලාපොරොත්තු වන ජනතාවට හෙට (21) පෙරවරුවේ සිට නුගේගොඩ පිහිටි ඇයගේ සංගීත ආශ්‍රමයේදී දේහය තැන්පත් කර තබන බව සඳහන් වේ.
මහාචාර්ය සුනිල් ආරියරත්න මහතාට අනුව, ඇයගේ අවසාන කටයුතු එළඹෙන සෙනසුරාදා දින සිදු කිරීමට සැලසුම් කර ඇත.
ඒ අනුව එදින පස්වරුවේ බොරැල්ල පොදු සුසාන භූමියේදී අවමංගල්‍ය උත්සවය පැවැත්වීමට නියමිතය.
