සටහන: සශිකලා මධුෂාණි
අගෝස්තු මස 24: ලෝකය(අවුට්බවුන්ඩ් ටුඩේ): ලොව ප්‍රමුඛ වේගවත් විලාසිතා අන්තර්ජාල වෙළඳ සමාගමක් වන ෂෙයින් (Shein)හි වටිනාකම ඇස්තමේන්තු කෙරේ.
සමාගම කොටස් මිලියන 280ක් හොංකොං ඩොලර් 47.60ත් 49.50ත් අතර මිලකට නිකුත් කිරීමට සැලසුම් කර ඇති අතර, ඉහළම මිලට අනුව ෂෙයින් සමාගමේ වටිනාකම ඇමරිකානු ඩොලර් බිලියන 27කට ආසන්න වනු ඇත. ඒ අනුව, කොටස් වෙළඳපොළේ මූලික මහජන කොටස් නිකුතුවක් (IPO) මගින් ඇමරිකානු ඩොලර් බිලියන 1.77ක් දක්වා මුදලක් රැස් කිරීමට සමාගම අපේක්ෂා කරයි.
කෙසේ වෙතත්, මෙය 2022දී සමාගමට හිමිව තිබූ ආසන්න වශයෙන් ඩොලර් බිලියන 100ක වටිනාකමට වඩා විශාල පහත වැටීමක් වන මුත්, ආදායම් වර්ධනය මන්දගාමී වීම, ඉහළ යන වියදම්, දැඩි නියාමන සහ ගෝලීය තරගකාරීත්වය මෙම අඩුවීමට බලපා ඇති බව වාර්තා වේ.
ෂෙයින් කොටස් හොංකොං වෙළඳපොළේ සැප්තැම්බර් 1 වැනිදා ගනුදෙනු කිරීම ආරම්භ කිරීමට නියමිත අතර, අවසන් කොටස් මිල අගෝස්තු 31 වැනිදා ප්‍රකාශයට පත් කිරීමට නියමිතය.
