රෂිකා හෙන්නායක අගෝස්තු 24 , කොළඹ LNW :
බදුල්ල ශික්ෂණ රෝහලට අනුයුක්තව සේවය කළ නිර්වින්දන විශේෂඥ වෛද්‍යවරයෙකු හදිසියේ අතුරුදන් වී ඇති බව අනාවරණය කෙරේ.
පසුගිය විසිතුන්වනදා උදෑසන රාජකාරියේ නිරතව සිටියදී ඔහු මෙලෙස අතුරුදන්ව ඇති අතර, ඒ පිළිබඳව සිදුකළ විමර්ශනවලදී ඔහුගේ මෝටර් රථය මාපාකඩවැව ප්‍රදේශයේ ඇළ මාර්ගයක තිබී සොයාගෙන ඇත.
සීසීටීවී දර්ශන ඔස්සේ සිදුකළ පරීක්ෂණ මගින් එම රථය මහියංගනය දෙසට ධාවනය වූ බවට පොලීසිය විසින් තොරතුරු තහවුරු කරගෙන තිබේ.
අතුරුදන් වූ වෛද්‍යවරයා සොයා ගැනීම සඳහා පොලීසිය, යුද හමුදාව සහ අපරාධ ස්ථාන පරීක්ෂණ නිලධාරීන් එක්ව මේ වන විට පුළුල් ඒකාබද්ධ මෙහෙයුමක් ආරම්භ කර ඇත.
මෙම සිදුවීමට අදාළ වැඩිදුර විමර්ශන කටයුතු ප්‍රදේශය කේන්ද්‍ර කරගනිමින් තවදුරටත් ක්‍රියාත්මක වේ.
