ආශිකා බ්‍රාහ්මණ
කොළඹ LNW:මේ වන විට ජනාධිපතිවරයාව සඳළු තලෙන් බැස්සවීමට කටයුතු කර ඇතැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසුවේය.
”අද අපි ගමට බැස්සහම ජනාධිපතිවරයාටත් ගමට බහින්න සිද්ධ වෙලා තියෙනවා. දැන් ජනාධිපතිතුමත් රැස්වීම තියනවා. ජනාධිපතිවරයාව කොළඹ හතේ AC කාමරයේ ඉඳල මහ පාරට බස්සලා ජනතාව අතරට යවන්න අපිට හැකියාව ලැබිල තියෙනවා. ඒක තමයි අපි විපක්ෂයක් විදිහට ලබපු පළමුවෙනි ජයග්‍රහණය.”
පාර්ලිමේන්තුව් තුළ පොඩි කෑල්ලක් වුණත් ජනතාවගේ හදවතේ ලොකු කෑල්ල තමන් බවයි මන්ත්‍රීවරයා කියාසිටියේ.
ඔහු මේ බව අපවසුවේ අද (24) ශ්‍රී ලංකා පොදුජන පෙරමුණේ ප්‍රධාන කාර්යාලයේ පැවති වැඩසටහනකින් අනතුරුව මාධ්‍ය වෙත අදහස් දක්වමිනි.
