රෂිකා හෙන්නායක සැප්තැම්බර් 04, කොළඹ LNW :
2026 ලංකා ප්‍රිමියර් ලීග් (LPL) තරගාවලිය අතරතුර සිදුවූ ආබාධ හේතුවෙන් තවදුරටත් පුනරුත්ථාපන ක්‍රියාවලියේ නිරතව සිටින කුසල් මෙන්ඩිස් සහ බිනුර ප්‍රනාන්දු යන ක්‍රීඩකයින් දෙදෙනාටම, එංගලන්තය සමඟ පැවැත්වීමට නියමිත T20I තරගාවලියට සහභාගී වීමට නොහැකි වනු ඇත.
මෙන්ඩිස් දකුණු පාදයේ (hamstring) ආබාධයකින් සුවය ලබමින් සිටින අතර, ප්‍රනාන්දු කොන්දේ ආබාධයක් සඳහා පුනරුත්ථාපන ප්‍රතිකාර ලබමින් සිටී.
නවතම වෛද්‍ය වාර්තා සැලකිල්ලට ගනිමින්, ශ්‍රී ලංකා ක්‍රිකට් තේරීම් කමිටුව විසින් T20I සංචිතයේ වෙනස්කම් දෙකක් සිදු කර ඇත. ඒ අනුව, මෙන්ඩිස් වෙනුවට පවන් රත්නායක ද, බිනුර ප්‍රනාන්දු වෙනුවට දිල්ෂාන් මධුශංක ද සංචිතයට කැඳවා තිබේ.
මෙම තරගාවලිය සඳහා මෙන්ඩිස්ගේ සහභාගීත්වය නොලැබෙන බැවින්, එංගලන්තය සමඟ පැවැත්වෙන T20I තරගවලදී ශ්‍රී ලංකා කණ්ඩායම මෙහෙයවීමේ වගකීම චරිත් අසලංක වෙත පැවරී ඇත.
