ලංකා ගල්අඟුරු සමාගමේ සභාපති තනතුරින් ජගත් පෙරේරා මහතා ඉල්ලා අස් වී තිබෙනවා. ඔහු සිය ඉල්ලා අස්වීමේ ලිපිය විදුලිබල හා බලශක්ති අමාත්ය කංචන විජේසේකර මහතා වෙත යොමුකර ඇති බවයි වාර්තා වන්නේ.
ජගත් පෙරේරා මහතා ඇමතිවරයා වෙත දන්වා තිබෙන්නේ නීත්යනුකූල හා විනිවිදභාවයකින් යුක්තව ගල්අඟුරු ගෙන්වීමේ ටෙන්ඩරය ලබාදුන් නමුත් ඒ සම්බන්ධයෙන් බාහිර පාර්ශ්වවලින් දිගින් දිගටම විවේචන හා බලපෑම් එල්ල වූ බවයි. එනිසා තවදුරටත් සභාපති තනතුරේ කටයුතු කළ නොහැකි බැවින් ධුරයෙන් ඉල්ලා අස්වන බවද ඔහු දැනුම් දී තිබෙනවා.
ගල්අඟුරු ගෙන්වීමේ කටයුතු කඩාකප්පල් කිරීමටද ඇතැම් පාර්ශ්ව උත්සාහ දරන බවයි ඔහු වැඩිදුරටත් ප්රකාශ කර තිබෙන්නේ.
සභාපතිවරයාගේ ඉල්ලා අස්වීමට ඇමතිවරයා විසින් පිළිගෙන ඇති අතර මේ දක්වා නව සභාපතිවරයෙක් පත්කර නොමැත.
UN
