බද්දේගම, හල්පාතොටදී සිදුවූ වෙඩිතැබීමෙන් තුවාල ලබා ගාල්ල ජාතික රෝහලේ ප්රතිකාර ලබමින් සිටි අනෙක් කාන්තාව ද ඊයේ (28) රාත්රියේ මියගොස් තිබේ.
මෙසේ මියගොස් ඇත්තේ මෙම වෙඩිතැබීමෙන් පෙරේදා දිනයේදී මියගිය කළු නෝනා නමැති කාන්තාවගේ මව වූ ඩී. එන්. ජී. මල්ලිකා නමැති අයයි.
පෙරේදා (27) දහවල් බද්දේගම හල්පාතොට ප්රදේශයේදී ත්රීරෝද රථයක් පසුපස මෝටර් රථයකින් හඹා ආ පිරිසක් T56 ගිනිඅවියකින් මෙම වෙඩිතැබීම සිදුකර පළාගොස් තිබිණි. එහිදී එම කුලී ත්රීරෝද රථයේ රියදුරු එම ස්ථානයේදීම මියගිය අතර අම්බලන්ගොඩ රතුකුරුස නිවාස, ගොඩහේන ප්රදේශයේ පදිංචි සුසිතා ඉරෝෂණී හෙවත් කළු නෝනා නමැති 47 හැවිරිදි කාන්තාව රෝහල්ගත කිරීමෙන් අනතුරුව මියගොස් තිබිණි.
ඒ අනුව මෙම වෙඩි ප්රහාරයට ලක්වූ තිදෙනාම මේ වනවිට මියගොස් ඇත.
