ආශිකා බ්‍රාහ්මණ
කොළඹ LNW:මත්ද්‍රව්‍ය ජාවාරම්කරුවකු ලෙස සැලකෙන නඳුන් චින්තක වික්‍රමරත්න හෙවත් ‘හරක් කටා’ නමැත්තාගේ බිරිඳගෙන් අල්ලස් ලබාගැනීමේ සිද්ධියක් සම්බන්ධයෙන් රක්ෂිත බන්ධනාගාරගත කර සිටි රඛිත රාජපක්ෂ සහ චරිත් අබේසිංහ ඇතුළු සැකකරුවන් තිදෙනකුට ඇප ලබාදීමට කොළඹ මහේස්ත්‍රාත් අධිකරණය දුන් තීරණය බල රහිත කරන ලෙස ඉල්ලා අල්ලස් කොමිසම ගොනු කළ ප්‍රතිශෝධන පෙත්සම් විභාගය සඳහා ලබන පෙබරවාරි මස 09 වැනිදා කැඳවීමට කොළඹ මහාධිකරණය නියම කළේය.
අල්ලස් හෝ දුෂණ චෝදනා විමර්ශන කොමිසම ගොනු කළ මෙම ප්‍රතිශෝධන පෙත්සම් කොළඹ මහාධිකරණ විනිසුරු ලාල් බණ්ඩාර මහතා ඉදිරියේ කැඳවනු ලැබීය.
එහිදී ඉදිරිපත් වු කරුණු සලකා බැලු විනිසුරුවරයා වගඋත්තරකරුවන්ගේ විරෝධතා නොවැම්බර් 14 වැනිදා ගොනු කරන ලෙසත් පෙත්සම්කරුවන්ගේ විරෝධතා නොවැම්බර් 28 වනදා ගොනු කරන ලෙස දැන්වීය.
