සටහන: සශිකලා මධුෂාණී
ලෝකය(අවුට්බවුන්ඩ් ටුඩේ) නොවැම්බර් 03: චීනය ඉරානය සහ ඕමානය සමඟ සාකච්ඡා තීව්‍ර කරමින් මැදපෙරදිග කලාපයේ සාමය වෙනුවෙන් මැදිහත් වීම ආරම්භ කර තිබේ.
ඒ අනුව මැදපෙරදිග කලාපයේ රාජ්‍යතාන්ත්‍රික සබඳතා ශක්තිමත් කිරීමේ අරමුණින් ඉරානය සහ ඕමානය සමඟ සාකච්ඡා පැවැත්වීමට චීනය පියවර ගෙන ඇත. එමෙන්ම ගල්ෆ් කලාපය වෙත විශේෂ නියෝජිතයකු ද යොමු කිරීමට කටයුතු කර තිබේ.
මේ අතර චීන ජනාධිපති ෂී ජින්පිං මහතා ඕමාන රාජ්‍ය නායකයා බීජිං නුවරදී පිළිගැනීමට නියමිත අතර, 1978 වසරෙන් පසු ඕමාන රාජ්‍ය නායකයකු චීනයේ සිදුකරන පළමු සංචාරය මෙය වීම විශේෂත්වයක් වන අතර ඇමෙරිකාව සහ ඉරානය අතර පවතින යුදමය තත්ත්වය සම්බන්ධයෙන් සංවාද හා සාකච්ඡා මාර්ගයෙන් විසඳුම් සෙවිය යුතු බව චීනය අවධාරණය කර තිබේ.
මැදපෙරදිග කලාපයේ උද්ගතව ඇති අර්බුදකාරී තත්ත්වය සමනය කිරීම සහ කලාපීය ස්ථාවරත්වය ඇති කිරීම සඳහා චීනය සිය රාජ්‍යතාන්ත්‍රික භූමිකාව තවදුරටත් පුළුල් කරමින් සිටින බවයි විශ්ලේෂකයන් සඳහන් කරන්නේ,
