සටහන – රුවන් නෙළුගොල්ල
ලාෆ්ස් ගෑස් සමාගමේ නිලධාරීන් අද (16) දිනයේදී පාරිභෝගික කටයුතු පිළිබඳ අධිකාරිය හමුවට කැඳවා තිබේ.
ඒ, ලාෆ්ස් ගෑස් මිල ගණන් විශාල අගයකින් ඉහළ දැමීම සම්බන්ධයෙන් කරුණු විමසීම සඳහා ය.
ඒ අනුව, අද පෙරවරු 10.00 ට පාරිභෝගික කටයුතු පිළිබඳ අධිකාරිය හමුවේ පෙනී සිටින ලෙසයි ලාෆ්ස් ගෑස් සමාගමේ නිලධාරීන්ට දැනුම් දී ඇත්තේ.
ලාෆ්ස් ගෑස් සමාගම පසුගිය 13 වනදා ගෘහස්ථ ගෑස් සිලින්ඩරවල මිල ඉහළ දැමීමට කටයුතු කළ අතර එහිදී මෙතෙක් රුපියල් 4,965ක්ව පැවැති කිලෝගෑම් 12.5 ක ගෑස් සිලින්ඩරයක නව මිල රුපියල් 6,740ක් දක්වාත් මෙතෙක් රුපියල් 1,988ක්ව පැවති කිලෝග්රෑම් 5ක ගෘහස්ථ ගෑස් සිලින්ඩරයක මිල රුපියල් 2,720ක් දක්වාත් වැඩිකර තිබිණි.
සබැඳි පුවත් –


