රෂිකා හෙන්නායක නොවැම්බර් 19, කොළඹ LNW:
තංතිරිමලේ සහ ඒ අවට ප්රදේශවල දිගුකාලීන වනඅලි – මිනිස් ගැටුමට සහ වනජීවී ගැටලුවලට කඩිනම් හා විද්යාත්මක විසඳුම් ලබා දීම සඳහා විශේෂ සාකච්ඡාවක් පරිසර නියෝජ්ය අමාත්ය ගරු ඇන්ටන් ජයකොඩි මහතාගේ ප්රධානත්වයෙන් පසුගියදා තංතිරිමලේදී පැවැත්විණි.
- මෙම අවස්ථාවට ප්රාදේශීය සභා මන්ත්රීවරුන්, වනජීවී සංරක්ෂණ දෙපාර්තමේන්තු නිලධාරීන්, ගොවි සමිති සහ මරණාධාර සමිති නායකයින් ඇතුළු පිරිසක් සහභාගී වූහ.
යෝජිත සහ සාකච්ඡා කෙරුණු ප්රධාන විසඳුම්
- වනඅලින් යොමු කිරීම සහ නව මධ්යස්ථානය: තංතිරිමලේ පන්සල් භූමිය, රක්ෂිත ප්රදේශ සහ කුඩා ගම්මාන ආශ්රිතව ගැවසෙන වනඅලින් කඩිනමින් විල්පත්තු ජාතික වනෝද්යානය වෙත යොමු කිරීමටත්, තංතිරිමලේ ප්රදේශය තුළම නව අලි පාලන ඒකකයක් (මධ්යස්ථානයක්) ස්ථාපිත කර හදිසි මැදිහත්වීම් ශක්තිමත් කිරීමටත් සාකච්ඡා කෙරිණි.
- නව ආරක්ෂක මුර කපොලු:
- තංතිරිමලේ විද්යාලයේ පාසල් දරුවන්ගේ ආරක්ෂාව සඳහා විශේෂ ආරක්ෂක මුර කපොල්ලක්.
- තංතිරිමලේ රෝහල අසල රාත්රී මුර කපොල්ලක්.
- ඇහැටුගල අසල දිවා-රාත්රී මුර කපොල්ලක්.
- සූර්ය බලශක්ති විදුලි ආලෝකය: අලින් බහුල ස්ථානවල මාර්ගවල සූර්ය බලශක්තියෙන් ක්රියාත්මක විදුලි බල්බ සවි කිරීමටත්, ඒ සඳහා වනජීවී අරමුදලෙන් වැය පියවා ගැනීමටත් ඉදිරියේදී කටයුතු කෙරේ.
නියෝජ්ය අමාත්යවරයාගේ අවධාරණය
- වනඅලි – මිනිස් ගැටුමෙන් ජනතාවට සිදුවන ජීවිත හා වගා හානි අවම කිරීම රජයේ ප්රමුඛතම වගකීමක් බවත්, ප්රදේශවාසීන්ගේ හා ගොවි සංවිධානවල සහයෝගය ඇතිව විද්යාත්මක හා ප්රායෝගික වැඩපිළිවෙළක් ඔස්සේ එය විසඳීමට රජය කැපවී සිටින බවත් ඇන්ටන් ජයකොඩි මහතා අවධාරණය කළේය.


