2. ජනාධිපති රනිල් වික්රමසිංහ, දේශගුණය පිළිබඳ එක්සත් ජනපද විශේෂ ජනාධිපති නියෝජිත – ජෝන් කෙරී, එක්සත් රාජධානියේ අග්රාමාත්ය රිෂී සුනාක් සහ ස්ලෝවේනියාවේ ජනාධිපති බොරූට් පහෝර් ඊජිප්තුවේ COP27 සමුළුවේ දී හමුවෙයි.
3. ඉදිරි වසර 2 සඳහා ආහාර අවශ්යතා තක්සේරු කිරීමට සහ ආහාර සුරක්ෂිතතාව තහවුරු කිරීම සඳහා වාර්තාවක් ඉදිරිපත් කිරීමට සියලුම රටවල කෘෂිකර්ම අමාත්යවරුන්ගේ රැස්වීමක් කැඳවන ලෙස ජනාධිපති රනිල් වික්රමසිංහ එක්සත් ජාතීන්ගේ මහලේකම්වරයාගෙන් සහ ඊජිප්තු ජනාධිපතිවරයාගෙන් ඉල්ලා සිටියි.
4. අයවැයෙන් මැතිවරණ කොමිසම සඳහා රු. බිලියන 10 ක් වෙන් කර ඇති බව මැතිවරණ කොමිසමේ සභාපති එස්.ජී. පුංචිහේවා ප්රකාශ කරයි – පළාත් පාලන මැතිවරණය ඉක්මනින් පැවැත්වීමට මැතිවරණ කොමිසමට මූල්ය ගැටලුවක් නොමැති බව ප්රකාශ කරයි.
5. ශ්රී ලංකා ක්රිකට් ක්රීඩක ධනුෂ්ක ගුණතිලක තමාට එල්ල වී ඇති චෝදනා ප්රතික්ෂේප කරයි – ඕස්ට්රේලියාවේ සිඩ්නි පොලිසිය ඔහුගේ විදේශ ගමන් බලපත්රය රඳවා තබා ගනියි – නීතිමය ක්රියාමාර්ග සඳහා මාස 10-12 ක් ගතවනු ඇතිබවට අනුමාන කෙරේ – නීති නිරීක්ෂකයන් කිහිප දෙනෙකු පවසන්නේ ධනුෂ්කට එල්ල වී ඇති චෝදනා කුමන්ත්රණයක ප්රතිඵලයක් විය හැකි බවයි.
6. මහබැංකු දත්ත පෙන්නුම් කරන්නේ 2022 වර්ෂයේ පළමු මාස 10 තුළ ශ්රී ලංකාවේ සංචාරක ඉපැයීම් ඇ.ඩො බිලියන 1 ඉක්මවා ඇති බවයි – නමුත් විදේශ විනිමය සංචිත ඔක්තෝබර් අවසානය වන විට ඇමෙරිකානු ඩොලර් බිලියන 1.7 දක්වා පහත වැටී ඇත.
7. නාවික හමුදාව, පොලිසිය සහ මත්ද්රව්ය නාශක කාර්යාංශය සමඟ සම්බන්ධීකරණයෙන් මෙහෙයුමක් දියත් කරයි – හෙරොයින් කිලෝග්රෑම් 331කට වැඩි ප්රමාණයක් රැගත් දේශීය ට්රෝලර් යාත්රාවක් අල්ලා ගනී – සැකකරුවන් 6 දෙනෙකු අත්අඩංගුවට ගනු ලබයි.
8. හිටපු මැතිවරණ කොමිසමේ සභාපති මහින්ද දේශප්රියගේ සභාපතිත්වයෙන් යුත් ජාතික සීමා නිර්ණ කමිටුව පළාත් පාලන මැතිවරණය කල් දැමීමේ ආණ්ඩුවේ උපක්රමයක් බව විපක්ෂයේ දේශපාලන පක්ෂ චෝදනා කරයි – දේශප්රිය ඒ සම්බන්ධයෙන් අදහස් දැක්වීම ප්රතික්ෂේප කරයි.
9. බදු ගිවිසුම් යටතේ බදු අයකර ගැනීම කඩිනම් කිරීම සහ හිඟ බදු කුලී එකතු කිරීම නියාමනය කිරීම සඳහා නව පනත් කෙටුම්පතක් ඉදිරිපත් කිරීමට නියමිත බව වාර්තා වේ.
10. අලුතින් සම්මත කරගන්නා ලද 21 වැනි ආණ්ඩුක්රම ව්යවස්ථා සංශෝධනය යටතේ පිහිටුවන ලද ආණ්ඩුක්රම ව්යවස්ථා සභාවට සාමාජිකයන් පත් කිරීමට අදාළව පක්ෂ නායකයන් අද රැස්වීමට නියමිත ය – කථානායක මහින්ද යාපා අබේවර්ධන මුලසුන හොබවයි.