මහා පරිමාණ ඇමරිකානු සමාගම්වල සේවකයන්ට කොවිඩ් ප්‍රතිශක්තීරකරණ එන්නත් ලබා ගැනීම අනිවාර්ය කරමින් සහ මුහුණු ආවරණ පැළඳීම, දෛනිකව කොවිඩ් පරීක්ෂණවලට පෙනී සිටීම අනිවාර්ය කරමින් ඇමරිකානු ජනාධිපති ජෝ බයිඩ්න් ගෙන ඇති තීරණය අත්හිටුවමින් ඇමරිකානු ශ්‍රේෂ්ඨාධිකරණය නියෝගයක් නිකුත් කර තිබෙනවා.
මෙම නියෝගය නිකුත් කරමින් ශ්‍රේෂ්ඨාධිකරණය ප්‍රකාශ කර තිබෙන්නේ බයිඩ්න් සිය බලතල අභිබවා කටයුතු කර ඇති බවයි.
මෙම තීරණය අත්හිටුවා රජයේ ප්‍රතිපාදන මත ක්‍රියාත්මක එන්නත්කරණ මධ්‍යස්ථාන හරහා රාජ්‍ය සේවකයන්ට එන්නත් ලබාදීමේ වැඩසටහනක් ආරම්භ කරන ලෙසටද ශ්‍රේෂ්ඨාධිකරණය ඇමරිකානු ජනාධිපතිවරයාට දන්වා තිබෙනවා.
බයිඩ්න්ට එරෙහිව ශ්‍රේෂ්ඨාධිකරණය ලබාදුන් තීරණය පිළිබඳව හිටපු ජනාධිපති ඩොනල්ඩ් ට්‍රම්ප්ගේ ප්‍රසාදය පළ වී තිබේ. ඔහු පවසන්නේ වත්මන් ජනාධිපතිවරයාට කොවිඩ් මර්දන වැඩපිළිවෙල හරහා ඇමරිකානු ආර්ථිකය තවදුරටත් පසුබෑමට ලක්වනු ඇති බවයි. විශේෂයෙන්ම එන්නත් අනිවාර්ය කිරීම හරහා ආර්ථිකයට දැඩි බලපෑමක් සිදුවන බව හිටපු ජනාධිපතිවරයා පවසා තිබෙනවා.
UN
