ලේ බැංකුවට රුධිරය ලබා ගැනීමේදී රුධිරය ප්‍රදානය කරන තැනැත්තාට බෝවෙන අසනීප සෑදී තිබේදැයි සොයන රසායනික ද්‍රව්‍යයක් තිබේ.
එය එන්සයිම සම්බන්ධිත ප්‍රතිශක්තිකරණ විශ්ලේෂණය (ELISA) පරීක්ෂණයි. ඒ සඳහා දැනට භාවිත කරන එම රසායනික ද්‍රව්‍ය හිඟය හේතුවෙන් ඉදිරි සතියට රුධිර එකතු කිරීම එක තැනකදී 50 කට සීමා කිරීමට ජාතික රුධිර පාරවිලයන සේවය තීරණය කළ බව එහි අධ්‍යක්ෂ වෛද්‍ය ලක්ෂ්මන් එදිරිසිංහ මහතා පවසයි.ඩොලර් හිගකම නිසා හෝ එම රසායනිකය ගෙන්වන ටෙන්ඩර් පටිපාටියේ දෝෂයක් නිසා එසේ සිදුකිරීමට තීරණය කර ඇත..
දිනකට අවශ්‍ය වන්නේ මෙරටට රුධිර පයින්ට් 1000ක් පමණක් බවත්, නමුත් මේ වනවිට එම රසායන ද්‍රව්‍ය හිඟයකට රුධිර බැංකුව මුහුණ පා සිටින බවත් ඔහු මාධ්‍ය වෙත ප්‍රකාශ කළේය.
“ඉදිරි සතියේ ලේ දන්දීමේ ව්‍යාපාර පවත්වන අය සහභාගිවන්නන් 50 දෙනෙකුගෙන් පමණක් කුඩා කඳවුරු සංවිධානය කළ යුතුයි,” වෛද්‍ය එදිරිසිංහ මහතා පැවසීය.ELISA පරීක්ෂණය යනු රුධිර සාම්පලයක ඇති ප්‍රතිදේහ හඳුනා ගැනීම සඳහා රසායනාගාර පරීක්ෂණ සඳහා බහුලව භාවිතා වන රුධිර පරීක්ෂණයකි. වෛද්‍ය එදිරිසිංහ මහතා පැවසුවේ, එම රසායනික තොගය සතියකට පමණක් ප්‍රමාණවත් බවයි.
“එබැවින්, අදාළ රසායනික සැපයුම යථා තත්ත්වයට පත් කරන තුරු රුධිරය එකතු කිරීම සීමා කිරීමට රුධිර බැංකුව තීරණය කර ඇත,” ඔහු පැවසීය.
“වෛද්‍ය සැපයුම් අංශය (MSD) හරහා එම රසායනය ලබා ගැනීමට අප බලාපොරොත්තු වන නමුත් එසේ කිරීමට අපොහොසත් වුවහොත් අපට විශාල අභියෝගයකට මුහුණ දීමට සිදුවනු ඇත.
“මේ සතියේ අවශ්‍ය ප්‍රමාණය සපයන බවට සැපයුම්කරු සහතික වී ඇත,” ඔහු පැවසීය.
“ඒ නිසා ලේ එකතු කිරීම සීමා කරන්න වෙනවා,” ඔහු පැවසීය.
එම සේවාව තවත් සතියක් බාධාවකින් තොරව පවත්වාගෙන යාමට අවශ්‍ය තරම් රුධිර සංරක්‍ෂණ ලේ තොගයක් ලේ බැංකුව සතුව පවතින බවද ඔහු පැවසීය. බලධාරීන් මේ ගැන වහාම පියවර ගත යුතු නොවේද …එසේ නැතහොත් දහස් ගණන් මිනිස් ජීවිත අනතුරේ හෙලීමක් වනු ඇත.
රෂිකා සඳමාලි හෙන්නායක
2022.11.09
