ඉංදුනීසියාවේ බාලී දූපත්හි පැවැත්වෙන ජී20 සමුළුවට සහභාගි වීමෙන් අනතුරුව නැවත දකුණු අප්‍රිකාව බලා යන අතරවාරයේදී දකුණු අප්‍රිකානු ජනාධිපති සිරිල් රාමෆෝසා මහතා කෙටි සංචාරයක් සඳහා ඊයේ රාත්‍රියේ (2022.11.16) දිවයිනට පැමිණ ඇත.
දිවයිනට පැමිණ රාමෆෝසා මහතා එහිදී ජනාධිපති රනිල් වික්‍රමසිංහ මහතා විසින් කටුනායක ගුවන් හමුදා කඳවුරේ දී හමු වූ බව ජනාධිපති මාධ්‍ය අංශය සඳහන් කරයි. එහිදී දෙරටේ නායකයන් අතර ද්විපාර්ෂික සාකච්ඡා පවත්වා ඇත.
ඒ සමඟම ජනාධිපති රනිල් වික්‍රමසිංහ මහතා විසින් දකුණු අප්‍රිකානු ජනාධිපති රාමෆෝසා මහතාව පුදුම කරවමින් එතුමාගේ ජන්ම දිනය සැමරීමට ද අමතක නොකලේය. එතුමාට එය විශාල ප්‍රීතියක් බවත් ඒ වෙනුවෙන් ඔහු සියල්ලන්ටම ස්තූතිවන්ත විය.
රෂිකා හෙන්නායක
2022.11.17
