පසුගිය අගෝස්තු මස විදුලි බිල 75%කින් ඉහළ දැමීමෙන් අනතුරුව ලංකා විදුලි බල මණ්ඩලය ගෙවුණු ඔක්තෝම්බර් මස රු. මිලියන 2840ක ලාභයක් උපයා ඇති අතර එවන් පසුබිමක තවදුරටත් විදුලි බිල ඉහළ දැමීමේ අවශ්යතාවක් ගැන කතා කරමින් පසුවෙන බව පාර්ලිමේන්තු මන්ත්රී පාඨලී චම්පික රණවක මහතා පවසයි.
ඒ අනුව ඔක්තෝම්බර් මාසයේ ආදායම ලෙස රු. මිලියන 35826ක් උපයා ඇති බවත් වියදම ලෙස සටහන්ව ඇත්තේ රු. මිලියන
32986 ක් බවත් මන්ත්රීවරයා කියාසිටියි.
විදුලි බිල ඉහළ දැමීමෙන් අනතුරුව ලංකා විදුලි බල මණ්ඩලය දැන් ලාභ උපයමින් සිටින හෙයින් යළිත් සැණින් විදුලි බිල ඉහළ දැමීමක් ගැන කතා නොකර ඉදිරි මාස හයකවත් කාලයක් ආදයම පරීක්ෂා කළ යුතුව ඇති බවයි රණවක මහතා අවධාරණය කරන්නේ.
විදුලි බල මණ්ඩලයේ විශාල ණය ප්රමාණයක් පවතින නමුත් එය මහජනයා මත පැටවීම වැරදි බවද ඔහු සඳහන් කරයි.
තෙල්වල බදුවලින් ලාභ උපයමින් ඒ හරහා කොමිස් ගහන ගමන් රට පාඩු බව කීම වැරදි බවයි මන්ත්රීවරයා වැඩිදුරටත් පවසන්නේ.
ASK
