හංවැල්ල ප්‍රදේශයේ ඊයේ (18) රාත්‍රියේ සිදුවූ වෙඩිතැබීමකින් පුද්ගලයකු මියගොස් ඇති බව වාර්තා වේ.
මෙසේ මියගොස් ඇත්තේ හංවැල්ල හරස් මාර්ගයේ හෝටලයක් පවත්වාගෙන ගිය ව්‍යාපාරිකයකු වන අතර ඔහු 48 හැවිරිදි තිදරු පියෙකි.
ඊයේ රාත්‍රී 10.00 ට පමණ යතුරු පැදියකින් දෙදෙනෙකු එම හෝටලයට පැමිණ ඇති අතර ඉන් එක් අයෙකු හෝටලයේ දොරට තට්ටු කර දුම්වැටියක් ඉල්ලා ඇති අතර ඉන්පසුව යතුරු පැදියෙන් පැමිණි අනෙක් පුද්ගලයා එක්වරම දොර විවෘත කරගෙන හෝටලයට ඇතුළු වී එහි මුදල් කවුන්ටරයේ සිටි හිමිකරුගේ පපුවට වෙඩිපහර 4ක් එල්ල කර පළාගොස් තිබේ.
වෙඩි වැදීමෙන් තුවාල ලැබූ පුද්ගලයා පාදුක්ක රෝහලට ඇතුළත් කළත් ඒ වනවිටත් ඔහු මියගොස් සිට ඇති බව සඳහන්.
හංවැල්ල පොලිසිය වැඩිදුර විමර්ශන සිදුකරයි.
RN
