ශ්‍රී ලංකා පොදුජන පෙරමුණට බලය හිමි කුරුණෑගල මහ නගර සභාවේ 2023 වසර සඳහා ඉදිරිපත් කළ අයවැය වැඩි ඡන්ද 07කින් පරාජයට පත්ව තිබේ.
නගරාධිපති තුෂාර සංජීව මහතා විසින් ඉදිරිපත් කරන ලද අයවැයට පක්ෂව ලැබී තිබුණේ ඡන්ද 07ක් පමණක් වන අතර ඊට විපක්ෂව ඡන්ද 14ක් ලැබී ඇත.
කුරුණෑගල යනු ශ්‍රී ලංකා පොදුජන පෙරමුණේ බලකොටුවක් වශයෙන් සැලකෙන අතර කුරුණෑගල නගරාධිපති තුෂාර සංජීව යනු පොහොට්ටුවේ ප්‍රබලතමයකු වන ජොන්ස්ටන් ප්‍රනාන්දු මහතාගේ සමීපතම ගෝලයෙකු වේ. එසේම පොහොට්ටුවේ නායක මහින්ද රාජපක්ෂ මහතා ද පසුගිය මහමැතිවරණ දෙකකටම ඉදිරිපත් වූයේ කුරුණෑගල දිස්ත්‍රික්කයෙනි.
RN
