සිය පවුලේ සාමාජිකයින් සමග නිවාඩුවක් ගතකිරීම සඳහා ඩුබායි රාජ්‍යයට ගොස් සිටින හිටපු ජනාධිපති ගෝඨාභය රාජපක්ෂ මහතා ජනවාරි 05 වනදා යළි දිවයිනට පැමිණීමට නියමිත බව වාර්තා වේ.
හිටපු ජනාධිපතිවරයා පසුගිය දෙසැම්බර් 26 වනදා සිය බිරිඳ, පුත්‍රයා, ලේලිය සහ මිනිපිරිය සමග ඩුබායි රාජ්‍යය කරා පිටව ගොස් තිබිණි. එම සංචාරයට එක්වූ ඒ මහතාගේ පෞද්ගලික ලේකම් සුගීෂ්වර බණ්ඩාර ඊට පෙර දිනම ඩුබායි බලා ගොස් තිබිණි.
ලබන 05 වනදා ගෝඨාභය රාජපක්ෂ මහතා සිය බිරිඳ සහ පෞද්ගලික ලේකම්වරයා සමග යළි මෙරටට පැමිණීමට නියමිත අතර ඒ මහතාගේ පුත්‍රයා, ලේලිය සහ මිනිපිරිය යළි ඇමරිකාව බලා පිටව යාමට නියමිත බවයි ආරංචිමාර්ග සඳහන් කළේ.
RN
