ඕනෑම මොහොතක පළාත් පාලන මැතිවරණය සඳහා ශ්රී ලංකා පොදුජන පෙරමුණ සූදානම් බව අද (09) ඒ සඳහා ඇප මුදල් තන්පත් කිරීමේ අවස්ථාවට එක්වෙමින් ජනමාධ්ය අමාත්ය බන්දුල ගුණවර්ධන මහතා පැවසුවේය.
මේ අතර මෙම පළාත් පාලන මැතිවරණයට ශ්රී ලංකා පොදුජන පෙරමුණට කිසිම අභියෝගයක් නොමැති බවයි අමාත්යවරයා සඳහන් කළේ.
මෙම අවස්ථාවට එක් වූ ශ්රී ලංකා පොදුජන පෙරමුණේ ලේකම් පාර්ලිමේන්තු මන්ත්රී සාගර කාරියවසම් මහතා පැවසුවේ පක්ෂයට සමාජ මාධ්ය ඔස්සේ නොයෙක් මඩ අවලාද නැගුවද තවමත් ජනතා හදවත්වල සිටින්නේ පොහොට්ටුව බවයි.
රට වෙනුවෙන් එකමුතුව වැඩකළ හැකි හැම අවස්ථාවකම එකමුතුව වැඩකිරීම සඳහා එක්සත් ජාතික පක්ෂය සමඟ ඊයේ පැවති සාකච්ජාවේදී එකඟතාවකට පැමිණි බවද කාරියවසම් මහතා සඳහන් කළේය.
එමෙන්ම පළාත් පාලන ජන්ද විමසීම සඳහා බැසිල් රාජපක්ෂ මහතා සක්රීයව සම්බන්ධ වන බව හෙතෙම පැවසුවේය.
පළාත් පාලන මැතිවරණයෙන් විශිෂ්ට ජයග්රහණයක් ලබා ගන්න බවට විශ්වාස බවත් සාගර කාරියවසම් මහතා කියාසිටියේය.
ASK
