ජාතික ගැටලුවට විසඳුමක් සෙවීම වෙනුවෙන් ජනාධිපති රනිල් වික්‍රමසිංහ මහතා සහ දෙමළ දේශපාලන පක්ෂ නියෝජිතයින් අතර ඊයේ (10) දිනයේදී පැවති සාකච්ඡාව එකඟතාවකින් තොරව අවසන් වූ බව ටෙලෝ පක්ෂයේ නායක, පාර්ලිමේන්තු මන්ත්‍රී සෙල්වම් අඩෛකලනාදන් මහතා පවසයි.
උතුරු නැගෙනහිර අත්පත් කරගත් ඉඩම් ආපසු ලබාදීම, 13 වැනි සංශෝධනය පූර්ණ වශයෙන් බලාත්මක කිරීම ඇතුළුව තම පාර්ශ්වයෙන් පසුගිය මාසයේදී ඉදිරිපත් කළ මූලික යෝජනා තුන සම්බන්ධයෙන් එකඟතාවකට පැමිණීමට ආණ්ඩුවේ පාර්ශ්වය තවත් සතියක කාලයක් ඉල්ලා සිටි බවයි ඒ මහතා සඳහන් කළේ.
ඒ අනුව ජනවාරි 10, 11, 12 යන දින තුන පුරාම පැවැත්වීමට නියමිතව තිබුණු සාකච්ඡා වටය ඊයේ දිනයේදීම අවසන් වූ බවත් ඒ මහතා ප්‍රකාශ කළේය.
RN
