පළාත් පාලන මැතිවරණය පැවැත්වීම සඳහා මැතිවරණ කොමිසම විසින් තෝරාගෙන ඇත්තේ ඓතිහාසික දිනයක් බව ජාතික ජන බලවේගයේ පාර්ලිමේන්තු මන්ත්‍රීනී හරිනි අමරසූරිය මහත්මිය පවසයි.
“අවුරුදු 75ක් තිස්සේ මේ රට අර්බුද කරා ගෙනගිය ඒ දුෂ්ට පාලනය, ඉතාම දූෂිත පාලනය අවසන් කරන්න අපට අවස්ථාවක් ඇවිල්ලා තියෙනවා. පළාත් පාලන මැතිවරණයට තෝරාගත්ත දිනයත් ඓතිහාසිකයි. 9 වෙනිදාවක්. 9 වෙනිදා කියන්නෙ මේ දුෂ්ට පාලකයින්ට ඉතාමත්ම අසුබ, අවාසනාවන්ත දිනයක්. නමුත් 9 වෙනිදා කියන්නෙ මේ රටේ පුරවැසියන්ට, මේ රටේ ජනතාවට අතිශයින්ම වාසනාවන්ත දවසක්. මාර්තු 9 කියන්නේ ජනතාවාදී, තමන් තෝරාගත්ත පාලනයක් පිහිටුවීමේ ගමනේ පළමුවෙනි අඩිය තියන දවස”
පාර්ලිමේන්තු මන්ත්‍රීනී හරිනි අමරසූරිය මහත්මිය මේ බව පැවසුවේ පෙරේදා (22) වාරියපොලදී පැවති ජාතික ජන බලවේගයේ සමුළුවක් අමතමිනි.
RN
