බොරැල්ල ප්‍රදේශයේදී කාන්තාවක් වෙඩි වැදී මියයාමේ සිද්ධියට අදාළව යුධ හමුදා සෙබළුන් දෙදෙනෙකු අත් අඩංගුවට ගත් බව පොලීසිය පවසයි.
ඊයේ (13) රාත්‍රියේදී බොරැල්ල, බේස්ලයින් මාවත, හල්ගහකුඹුර ප්‍රදේශයේදී යුධ හමුදා සෙබළුන් දෙදෙනෙකු විසින් සැකකරුවකු තම භාරයට ගැනීමට යාමේදී ගිනිඅවියක් ක්‍රියාත්මක හේතුවෙන් එම ප්‍රදේශයේම පදිංචි 25 හැවිරිදි කාන්තාවකට වෙඩි වැදී තිබිණි.
වෙඩි වැදීමෙන් තුවාලලත් කාන්තාව එම ස්ථානයේ සිටි පිරිස විසින් රෝහල්ගත කර තිබුණු අතර එහිදී ඇය මියගොස් තිබිණි.
ඒ අනුව අදාළ යුධ හමුදා සෙබළුන් දෙදෙනා පොලීසිය විසින් අත් අඩංගුවට ගෙන ඇති අතර බොරැල්ල පොලීසිය වැඩිදුර විමර්ශන සිදුකරයි.
RN