උද්ඝෝෂණ කිරිමෙයිතිය ජනතාවට තිබුණද ආර්ථිකය කඩාකප්පල් කරන, ජන ජීවිතය කඩාකප්පල් කරන උද්ඝෝෂණ මැඩපැවැත්වීමේ වගකීම ආණ්ඩුවට තිබෙන බව ශ්රී ලංකා පොදුජන පෙරමුණේ පාර්ලිමේන්තු මන්ත්රී ඩී.වීරසිංහ මහතා පවසයි.
එම නිසා ජනතාව මෙම තත්ත්වය තේරුම් ගත යුතු වන අතර බදු අයකර තිබෙන්නේ සාමාන්ය රැකියාවල් කරන ගුරුවරයාගෙන්,පොලිස් නිලධාරියාගෙන්,ග්රාම නිලධාරීවරයාගෙන්,සංවර්ධන නිලධාරීගෙන් නොවන බවත් ඔවුන්ට ඉන් බලපෑමක් නොමැති බවත් මන්ත්රීවරයා සඳහන් කරයි.
බදු ගසා ඇත්තේ විශාල වැටුපක් ලාබා ගන්නා අයාගෙන වන අතර ඔවුන් දැන් සෙසු පිරිස්ද සමඟ පාරට බැසීමට කටයුතු යොදමින් සිටින බවයි ඔහු පවසන්නේ.
රටේ දේශපාලන අස්ථාවරත්වයක් ඇති කර දේශපාලන බලය ලබා ගැනීමේ වෑයමක් පවතින විරෝධතා පසුපස ඇති හෙයින් එය ජනතාව තේරුම්ගත යුතුවන බව වීරසිංහ මන්ත්රීවරයා කියාසිටියි.
