2019 වසරේදී එවකට මුදල් අමාත්‍ය මංගල සමරවීර මහතා විසින් පැනවූ බදු ප්‍රතිපත්තිය යළි ක්‍රියාත්මක කරන ලෙස සමගි ජන බලවේගයේ මාධ්‍ය ප්‍රධානී, පාර්ලිමේන්තු මන්ත්‍රී එස්. එම්. මරික්කාර් මහතා ආණ්ඩුවෙන් ඉල්ලා සිටී.
“ගෝඨාභය රාජපක්ෂ රාජ්‍ය ආදායම බිංදුවටම ඇදලා දැම්මෙ බදු කප්පාදු කරලා, බදු සහන දීලා ගජ මිතුරන්ට දොළ පිදේනි දීම හරහා. පුරවැසියන් බදු ගෙවිය යුතුයි, ප්‍රශ්නයක් නෑ ඒක ගැන. හැබැයි ඒ බදු දරාගැනීමේ ප්‍රමාණයකට තියෙන්න ඕනෙ. ඒ නිසා අපි ඉතාම අවධාරණයෙන් ආණ්ඩුවෙන් ඉල්ලන්නෙ අවම වශයෙන් 2019 මංගල සමරවීර ඇමතිතුමා ඉදිරිපත් කරපු බදු ප්‍රතිශතය ගේන්න. එදා ඒකට කවුරුත් විරුද්ධ වුණේ නෑ, ඒ නිසා ඒ ප්‍රතිශතය ආපහු ගෙනවා නම් අද කවුරුවත් ඒකට විරුද්ධ වෙන්නෙ නෑ. ගෝඨාභය රාජපක්ෂ කෙළෙව්වේ මංගල ගෙනාපු ප්‍රතිශතය බිංදුවට බස්සලා. එනිසා මංගල සමරවීර ඇමතිතුමා ගෙනාපු ප්‍රමාණයට ගෙනාවාම කාටවත් විරුද්ධ වෙන්න බෑ. කිසිම වෘත්තිකයෙක් විරුද්ධ වෙන්නෙ නෑ. මිනිස්සු අස් කරනවායි කියලා බය කරලා මර්දනයෙන්, චණ්ඩි පාට් එකෙන් විතරක් මේක කරන්න බෑ”
එස්. එම්. මරික්කාර් මහතා මේ බව පැවසුවේ ඊයේ (16) කොළඹදී පැවති මාධ්‍ය හමුවක් අමතමිනි.
RN
