ශ්‍රී ලංකා නීතීඥ සංගමයේ 27 වැනි සභාපතිවරයා වශයෙන් ජ්‍යේඨ නීතීඥ කෞෂල්‍ය නවරත්න මහතා ඊයේ (25) වැඩභාරගත්තේය.
2023 – 2024 වසර සඳහා ශ්‍රී ලංකා නීතීඥ සංගමයේ සභාපතිවරයා ලෙස ඒ මහතා පසුගියදා තේරී පත්වුණේ ඡන්ද විමසීමකින් තොරව ය. ඒ, සභාපති ධුරය සඳහා නාමයෝජනා ඉදිරිපත් කර තිබුණේ ඔහු පමණක් වීම නිසා ය.
ඊයේ දිනයේදී සිය ධුරයෙහි වැඩ ආරම්භ කරමින් කෞෂල්‍ය නවරත්න මහතා සඳහන් කළේ පක්ෂ දේශපාලනයෙන් බැහැරව ස්වාධීනව නීතීඥ සංගමයේ ඉදිරි කටයුතු කරගෙන යාමට පියවර ගන්නා බවයි.
RN
