සටහන – රෂිකා හෙන්නායක
කොළඹ (LNW): පාර්ලිමේන්තුවේ මහලේකම් ධම්මික දසනායක මහතා නිවේදනයක් නිකුත් කරමින් සඳහන් කළේ කථානායක මහින්ද යාපා අබේවර්ධන මහතාගේ ප්රධානත්වයෙන් පසුගියදා පැවති පාර්ලිමේන්තු කටයුතු පිළිබඳ කාරක සභාවේදී එළඹෙන පාර්ලිමේන්තු සතියට අදාළව ලබන අප්රේල් 4 වන අඟහරුවාදා පමණක් පාර්ලිමේන්තුව රැස්වීමට තීරණය කර ඇත.
ඒ අනුව වාචික පිළිතුරු අපේක්ෂා කරන ප්රශ්න සඳහා පාර්ලිමේන්තුව අප්රේල් 4 වනදා පෙ.ව 9.30 ට රැස්වන අතර පෙ.ව 9.30 – පෙ.ව 10.30 කාලය වෙන්කර ඇති බව සඳහන් .
අනතුරුව පෙ.ව 10.30 සිට ප.ව 5.00 දක්වා සෙස් බද්ද සංශෝධනය කිරීමට අදාළව 1979 අංක 40 දරන ශ්රී ලංකා අපනයන සංවර්ධන පනත යටතේ අංක 2306/15 දරන ගැසට් පත්රයේ පළ කළ නියෝගයක් සහ 1969 අංක 1 දරන ආනයන හා අපනයන (පාලන) පනත යටතේ අංක 2320/46 සහ 2320/47 යන ගැසට් පත්රවල පළ කර ඇති රෙගුලාසි ද්විත්වයක් විවාදයට ගෙන අනුමැතිය ලබා ගැනීමට නියමිතය.
මහලේකම්වරයා වැඩිදුරටත් දන්වන්නේ , ප.ව 5.00 සිට ප.ව 5.30 දක්වා සභාව කල්තබන අවස්ථාවේ ප්රශ්න සඳහා කාලය වෙන්කර තිබෙන අතර , 2023 අප්රේල් 18 සිට 22 දක්වා යෙදෙන අප්රේල් මාසයේ දෙවැනි පාර්ලිමේන්තු සතිය වෙනුවට අප්රේල් 25 වන අඟහරුවාදා සිට අප්රේල් 28 වන සිකුරාදා දක්වා පාර්ලිමේන්තුව රැස්වීමට ද පාර්ලිමේන්තු කටයුතු පිළිබඳ කාරක සභාවේදී තීරණය වූ බවයි .
