සටහන – රෂිකා හෙන්නායක
කොළඹ (LNW): සුඩානයේ කාටොන් නගරයේ සිටි ශ්‍රී ලංකිකයින් 13 දෙනෙකු සෞදි රජයේ සහාය ඇතිව ඉවත්කර ගත් බවත් ඔවුන් සෞදියේ ජෙඩා නගරය වෙත රැගෙන ඒමට නියමිත බවත් විදේශ කටයුතු අමාත්‍යංශය පවසයි.
තවත් ශ්‍රී ලංකිකයින් 12 දෙනෙකු මුදා ගැනීමට නියමිත බවද විදේශ කටයුතු අමාත්‍යංශය පැවසූ අතර තවදුරටත් සුඩානයේ තවදුරටත් රැඳී සිටින ශ්‍රී ලාංකිකයින් පිටතට ගෙන්වා ගැනීමට ඉන්දීය හා සෞදි රජයේ සහාය ඇතිව කටයුතු කරමින් සිටින බවයි.
ආරක්ෂිතව ශ්‍රී ලාංකිකයින් සුඩානයෙන් පිටතට ගැනීම සඳහා , ඊජිප්තුවේ කයිරෝ නුවර තානාපති කාර්යාලය, කාටොන් නුවර කොන්සල් කාරය්ලාය හා සුඩාන බලධාරින් මෙන්ම කාටොන් නගරයේ පිහිටි ඉන්දීය තානාපති කාර්යාලය ද සමීපව කටයුතු කරමින් සිටී.
සුඩානයේ වෙසෙන ලාංකිකයින්ගේ තොරතුරු තහවුරු කර ගැනීමට අවශ්‍ය නම් කයිරෝ හි ශ්‍රී ලංකා තානාපති කාර්යාලයේ වෙබ් ලිපිනයෙන් හා දුරකතනයෙන් + 20 1272813000 හා සම්බන්ධ විය හැකියි.
කාටොන් කොන්සල් ජෙනරල් කාර්යාලයේ දුරකතන අංකය – +24 9912394035
