කොළඹ LNW:පසුගිය මැයි දිනයේදී වෙනසක් සිදුකරන බවට පැවසුවේ ආණ්ඩුවේ වෙනසක් නොව නව වැඩපිළිවෙලක් ඉදිරිපත් කිරීම බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී එස්. එම්.චන්ද්‍රසේන මහතා පැවසුවේය.
ඒ, අද (03) එම පක්ෂයේ ප්‍රධාන කාර්යාලයේ පැවති මාධ්‍ය හමුවේදීය.
ගෙවුණු කාලයට වඩා හොඳ වෙනසක් ජනතාවට ලබාදීමට බලාපොරොත්තු වන බවයි මන්ත්‍රීවරයා එහිදී පැවසුවේ.
වත්මන් ජනාධිපතිවරයා පත්කර ගත්තේ ශ්‍රී ලංකා පොදුජන පෙරමුණේ ආශිර්වාදයෙන් වන අතර ඉදිරි කටයුතුවලදීද ජනාධිපතිවරයාට සහය දෙන බවත් පසුගියදා IMF ගිවිසුමේ විවාදයේදී ද එම සහය දුන් බව මන්ත්‍රීවරයා කියාසිටියේය.
ජනාධිපතිවරයාගේ කකුලෙන් ඇදීමට හෝ ආණ්ඩුව වැට්ටවීමට හෝ වෙනත් බලවේගයක් ඇති කිරීමට හෝ කිසිදු අදහසක් නොමැති බවයි චන්ද්‍රසේන මහතා තවදුරටත් අවධාරණය කළේ.
ආශිකා බ්‍රාහ්මණ
