නිසි පරීක්ෂණයක් සිදුකර අවසන් වෙන තුරු තමන් පොල්,කිතුල් හා තල් වගා ප්‍රවර්ධනය හා ආශ්‍රිත කාර්මික භාණ්ඩ නිෂ්පාදන හා අපනයන විවිධාංගීකරණ රාජ්‍ය අමාත්‍යධූරයෙන් ඉල්ලා අස් වෙන බව අරුන්දික ප්‍රනාන්දු මහතා ප්‍රකාශ කරයි.
රාගම වෛද්‍ය පීඨයේ සිසුන් පිරිසකට පහරදීම සම්බන්ධයෙන් රාගම පොලීසියට භාරවීමෙන් අනතුරුව අත්අඩංගුවට ගත් රාජ්‍ය අමාත්‍ය අරුන්දික ප්‍රනාන්දු මහතාගේ පුත්‍රයා ඇතුලු සැකකරුවන් 06 දෙනෙකු ලබන 07 වෙනිදා දක්වා රක්ෂිත බන්ධනාගාර ගත කිරීමට වැලිසර මහේස්ත්‍රාත් අධිකරණය අද (03) නියෝග කර තිබේ.
ගැටුම සිදු වූ ස්ථානයට පොල් සංවර්ධන මණ්ඩලයේ වාහනයක් රැගෙන සිය පුත්‍රයා යෑම අනුමත නොකරන බවයි අරුන්දික ප්‍රනාන්දු මහතා පවසන්නේ.
එම සිදු වීම නවක වදයට සම්බන්ධ සිදුවීමක් බවත් සිද්ධිය සම්බන්ධයෙන් සිය පුත්‍රයාගේ නම ද වාර්තා වීමෙන් පසු ඔහුව පොලීසියට භාර දීමට කටයුතු කළ බවත් එම පරීක්ෂණ වලට කිසිම බාධාවක් නොකළ බවත් ඔහු අවධාරණය කරයි.
ASK
