කොළඹ (LNW): දේශපාලකයින් විසින් බංකොලොත් කරපු රටක ව්‍යාපාර කිරීමේදී දැඩි අසීරුතාවයට පත්වී සිටින සුළු හා මධ්‍යම පරිමාණ වගේම ක්ෂුද්‍ර ව්‍යාපාරිකයින් විසින් බැංකු වලින් අරන් තියන ණය ප්‍රතිව්‍යුහගත කිරීමට අදාළ නීති අපි හඳුන්වාදිය යුතු බව සමඟි ජන බලවේගයේ පා.ම. ආචාර්ය හර්ෂ ද සිල්වා මහතා පවසයි.
ඒ මහතා මේ බව පැවසුවේ ඊයේ (07) දින පාර්ලිමේන්තුවේ දී ප්‍රකාශයක් සිදුකරමිනි.
වසර ගණනාවක් දහඩිය මහන්සියෙන් ගොඩනගාගත් මේ ව්‍යාපාර විනාශ කරමින් බැංකු ණය ගෙවාගැනීමට නොහැකිවූ පමණින් මේ ව්‍යාපාරිකයින්ගේ දේපොළ විකිණීම නොකළ යුතු අතර, මෙහිදී මෙම ව්‍යාපාරිකයින් මුහුණ දෙන ගැටලු 04 ක් පිළිබඳව අවධානය යොමු කළ යුතුව ඇති බව ද මන්ත්‍රීවරයා පැවසීය.
