සටහන – රෂිකා හෙන්නායක
කොළඹ (LNW): සෞඛ්ය ක්ෂේත්රයට අදාළ ඉදිරි සැලසුම් සම්බන්ධයෙන් සාකච්ඡා කිරීම සඳහා පසුගිය දා සෞඛ්ය පිළිබඳ ආංශික අධීක්ෂණ කාරක සභාව පාර්ලිමේන්තුවේ රැස් වූ අවස්ථාවේදී, අත්යවශ්ය ඖෂධ 96ක් මේ වනවිට රාජ්ය ඖෂධ නිෂ්පාදන සංස්ථාව මගින් නිෂ්පාදනය කරන බවට පාර්ලිමේන්තුවේ සෞඛ්ය පිළිබඳ ආංශික අධීක්ෂණ කාරක සභාවේදී කරුණු ප්රකාශ වී තිබේ.
එහිදී අනාවරණ වී ඇත්තේ , 2022 වසරේ රාජ්ය ඖෂධ නිෂ්පාදන සංස්ථාව නව ඖෂධ වර්ග 9ක් ප්රකාශයට පත් කර ඇති අතර තවත් නව ඖෂධ වර්ග 20ක් හඳුන්වාදීමට නියමිත බවයි . මෙලෙස නිෂ්පාදනය කරන අතිරේක ඖෂධ අපනයනය කිරීමේ හැකියාවන් පිළිබඳව සොයා බලමින් ඇතැයි ද එහිදී රාජ්ය ඖෂධ නිෂ්පාදන සංස්ථාවේ නිලධාරීන් කාරක සභාව හමුවේ පවසා ඇත .
එහිදී අවධානය යොමුවී ඇති කරුණු වන්නේ, ඖෂධ බෙදා හැරීමේදී ඇතිවන අභියෝග, විදේශ ආධාර මගින් ඖෂධ ලබා ගැනීමේ දී ඇතිවන ගැටලු, ඖෂධවල තත්ත්ව සහතිකය, ඖෂධ මිල නියාමනය කිරීමේ අවශ්යතාවය, ඖෂධ හිඟය, ආයුර්වේද දෙපාර්තමේන්තුවේ පවතින මානව සම්පත් හිඟය ඇතුළු කරුණු පිළිබඳවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??