අප්රේල් 30 වැනිදායින් පසු මහජනතාව ගැවසෙන පොදු ස්ථානවලට ඇතුල්වීම සඳහා කොවිඩ් 19 එන්නත් කාඩ් පත අනිවාර්ය කර තිබීමෙන් ආණ්ඩුක්රම ව්යවස්ථාව අනුව නිදහසේ ගමන් කිරීමට ඇති මූලික අයිතිවාසිකම කඩ නොවන බව ශ්රී ලංකා මානව හිමිකම් කොමිෂන් සභාවේ හිටපු සහාපති මහාචාර්ය ප්රතිභා මහානාමහේවා මහතා අවධාරණය කළේය.
ඒ, අද (05) මාධ්ය වෙත අදහස් දක්වමිනි.
ආණ්ඩුක්රම ව්යවස්ථාවේ දක්වා තිබෙන නිදහසේ ගමන් කිරීමට ඇති අයිතිය අසීමිත බලයක් නොවන අතර එයට සීමා පවතින බවත් ඒ අනුව මහජන සෞඛ්ය එහි සීමාවක් බවත් මහානාමහේවා මහතා කියා සිටියේය.
ඒ අනුව එම ගැසට් නිවේදනය හරහා මූලික මිනිස් අයිතිවාසිකම් කඩ නොවන අතර බහුතරයකගේ අයිතිවාසිකම් ආරක්ෂා කිරීම වෙනුවෙන් ගත් හොඳ පියවරක් බවයි ඔහු සඳහන් කළේ.
ASK
