කොළඹ LNW:රාජ්ය නායකයා ලෙස ජනාධිපතිවරයාගේ මැදිහත්වීම මත ගිලිහි ගියා ජාත්යන්තර සබඳතා යළි ගොඩනග ගැනීමට හැකිව තිබෙන බව මුදල් රාජ්ය අමාත්ය රංජිත් සියඹලාපිටිය මහතා පවසයි.
පසුගිය දිනවල ජනධිපතිවරයා සම්බන්ධ වූ විදෙස් සංචාර ඊට මනා පිටුවහලක් වූ බවයි සියඹලාපිටිය මහතා සඳහන් කරන්නේ.
මූල්ය ගෝලීය ගිවිසුමක් ඇතිකරගැනීම සම්බන්ධයෙන් එක්සත් ජාතීන්ගේ මහලේකම් සමඟ පැවති සාකච්ජාව ඉතා වැදගත් වූ අතර සෙසු නායකයින් සමඟ ඇතිකරගත් සුහදතාවද ඉතා වැදගත් වූ බවයි රාජ්ය අමාත්යවරයා පවසන්නේ.
”ජාත්යන්තර මූල්ය අරමුදලේ කාර්ය මණ්ඩල මට්ටමෙන් එකඟතාවක් ඇතිකරගත්තට පස්සේ අපිට තිබුණා ලොකු අභියෝගයක් ණය හිමියන් සමඟ ප්රතිව්යුහගතකරණයට මූලික වශයෙන් එකඟකර ගැනීම. ඒ අභියෝගය ජයගත්තට පස්සේ තමයි ජාත්යන්තර මූල්ය අරමුදල සමඟ ගිවිසුම්ගත වෙන්න පුළුවන් වුණේ. දැන් අපි දෙවෙනි කාරණාව සම්බන්ධයෙන් ඉතාම සාර්ථක සාකච්ජාවක ඉන්නේ. මෙතැනදී ජනාධිපතිගේ සංචාර වැදගත් වුණා. අත්යවශ්ය දේ තමයි ජාත්යන්තර සම්බන්ධය.
සැප්තැම්බර් මැද භාගයේ තමා ඇති කරගත් එකඟතා සමාලෝචනය කරන්නේ.”
මේ අතර ආර්ථිකයද ශක්තිමත් වෙමින් පවතින බවයි රාජ්ය අමාත්යවරයා කියාසිටින්නේ.
ASK
