සටහන – රෂිකා හෙන්නායක
කොළඹ (LNW): පසුගිය දා භාවිතයෙන් ඉවත් කළ නිර්වින්දන එන්නත් වෙනුවට , සිසේරියන් සැත්කම් ඇතුළු සැත්කම් සඳහා භාවිත කරන අර්ධ නිර්වින්දන එන්නත් 30,000 ක් මෙරටට ආනයනය කළ බව සෞඛ්ය අමාත්යාංශයේ අතිරේක ලේකම් වෛද්ය සමන් රත්නායක මහතා සඳහන් කළේ.
ඒවා ශල්යාගාර පවතින සියලු රෝහල් වෙත බෙදා හැරීම මේ වනවිට ආරම්භ කර ඇති අතර ඒ අනුව නිර්වින්දය සඳහා පැවති ඖෂධ හිඟය සම්පූර්ණයෙන්ම මගහැරී යනු ඇති බව සෞඛ්ය අමාත්යාංශයේ අතිරේක ලේකම්වරයා පැවසීය
තවද, අත්යවශ්ය ඖෂධ වර්ග ලේඛනය යාවත්කාලීන කර ඇති බවයි සෞඛ්ය අමාත්යාංශයේ අතිරේක ලේකම් වෛද්ය සමන් රත්නායක මහතා පැවසුවේ, ආර්ථික අර්බුදයත් සමග අත්යවශ්ය ඖෂධ ලේඛනය 383ක් දක්වා අඩු කළ බවත් , එය මේ වනවිට යළිත් 850 දක්වා වැඩිකර ඇති බවයි .
විශේෂඥ වෛද්යවරුන්ගේ ඉල්ලීම් සලකා බලා මේ තීරණය ගත් බවත් , නව ලේඛනයට අනුව මේ වනවිට මෙරට ඖෂධ වර්ග 266ක් හිඟ බව ඔහු වැඩිදුරටත් පැවසීය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
