*
දේශීය පුවත් විස්තරය: සාරාංශය 07/31
- රට තුළ ආයෝජනයට හිතකර පරිසරයක් නිර්මාණය කිරීම අරමුණු කරගත් වැඩසටහන් රැසක් ක්‍රියාත්මක කිරීම සඳහා ජනාධිපති වික්‍රමසිංහගේ මඟපෙන්වීම සහ සහාය ලැබී ඇති බව, ශ්‍රී ලංකාවේ ව්‍යාපාර පහසුතා දර්ශකයේ (Ease of Doing Business Index) ශ්‍රේණිගත කිරීම ඉහළ නැංවීමට අදාළව මතුව ඇති ප්‍රායෝගික ගැටලු සහ දුෂ්කරතා අධ්‍යයනය කර එහි යෝජනා සහ නිර්දේශ ඉදිරිපත් කිරීම සඳහා පිහිටවූ පාර්ලිමේන්තු තේරීම් කාරක සභාවේ සභාපති මධුර විතානගේ පවසයි.
- ගෝලීය වශයෙන් හොඳම සෞඛ්‍ය පද්ධතියක් ලෙස ප්‍රසිද්ධියට පත් ශ්‍රී ලංකාවේ නිදහස් සෞඛ්‍ය ක්ෂේත්‍රය සුරැකීම රජයේ පමණක් නොව සෞඛ්‍ය කාර්ය මණ්ඩලය, මහජනතාව සහ ජනමාධ්‍යවල ද වගකීමක් බව ශ්‍රී ජයවර්ධනපුර රෝහලේ අධ්‍යක්ෂ, විශේෂඥ වෛද්‍ය රත්නසිරි හේවගේ පවසයි: කිසිඳු රටක් “බාල ඖෂධ” ලෙස හඳුන්වන ඖෂධ කාණ්ඩයක් නිෂ්පාදනය නොකරන අතර, ලියාපදිංචි නොකළ ඖෂධ මෙරටට ගෙන්වීම සපුරා තහනම් බව පවසයි.
- නව උපාධිධාරීන් විද්‍යාව, තාක්ෂණවේදය, ඉංග්‍රීසි සහ විදේශ භාෂා යන විෂය ධාරාවන් සඳහා ගුරුවරුන් ලෙස බඳවා ගන්නා බව අධ්‍යාපන අමාත්‍ය සුසිල් ප්‍රේම්ජයන්ත් පවසයි: නව උපාධිධාරීන් ගුරුවරුන් ලෙස බඳවා ගැනීමේ ඉදිරි පියවර පළාත් මට්ටමින් සිදුකරනු ඇති බව ද පවසයි.
- මෑත කාලයේ ශ්‍රී ලංකා රුපියල අවප්‍රමාණය වීම ඉල්ලුම සහ සැපයුමේ වෙනස්වීම් හේතුවෙන් ඇති වූ තාවකාලික උච්චාවචනයක් බව මුදල් රාජ්‍ය අමාත්‍ය රංජිත් සියඹලාපිටිය පවසයි: ඇමරිකානු ඩොලරයේ සහ ශ්‍රී ලංකා රුපියලේ අගය වෙළඳපල තත්ත්වයන් මත තීරණය කිරීමට රජය විසින් ඉඩ සලසා දී ඇති අතර, ශ්‍රී ලංකා සංවර්ධන බැඳුම්කරවල ආයෝජනය කළ තැන්පත්කරුවන්ට සැපයීමට අවශ්‍ය තරම් විදේශ මුදල් බැංකු විසින් රැස් කර ගැනීමේ අවශ්‍යතාවය මත මෙම තත්ත්වය මතුව ඇති බව පවසයි.
- මෙරට ණය ප්‍රතිව්‍යූහගත කිරීම සඳහා සහාය ලබා දීමට ප්‍රංශය කැමැත්ත පළ කිරීම සම්බන්ධයෙන් ජාතික ජන බලවේගයේ සහ ජනතා විමුක්ති පෙරමුණේ නායක පා.ම. අනුර කුමාර දිසානායක සිය ප්‍රශංසාව පළ කරයි: කෙසේවෙතත්, ශ්‍රී ලංකාවට ණය ලබා දෙන සෑම රටක්ම ඔවුන් විසින් ලබා දුන් ණයවලට සිදුවූයේ කුමක්ද යන්න පිළිබඳව සොයාබැලීමක් සිදුකළ යුතු බව ද අවධාරණය කරයි: ව්‍යාපෘති සඳහා ලබා දුන් ණය නිසි පරිදි එකී ව්‍යාපෘති සඳහා යොමුකර නොමැති බව විගණකාධිපතිවරයාගේ වාර්තාවේ දැක්වෙන අතර, රු. ට්‍රිලියන 08 ක ණයවලින් වත්කම් ලෙස පවතින්නේ රු. ට්‍රිලියන 02 (25%) පමණක් බව දැක්වෙයි.
- ඉකුත් දින බොරැල්ල රිජ්වේ ආර්යා ළමා රෝහලේ වකුගඩු ශල්‍යකර්මයක් අතරතුර කුඩා දරුවකු මියයාමේ සිදුවීම සම්බන්ධයෙන් වහාම අපක්ෂපාතී පරීක්ෂණයක් ආරම්භ කරන මෙන් රජයේ වෛද්‍ය නිලධාරීන්ගේ සංගමය බලධාරීන්ගෙන් ඉල්ලා සිටියි: මරණයට හේතුව කුමක්ද යන්න සොයා ගැනීම සඳහා මෙම සිදුවීම සම්බන්ධයෙන් කඩිනමින් පරීක්ෂණයක් ආරම්භකළ යුතු බව එම සංගමයේ මාධ්‍ය ප්‍රකාශක වෛද්‍ය චමිල් විජේසිංහ පවසයි: පරිපූර්ණ විශ්ලේෂණයකින් තොරව නිසැකවම සිදුවූයේ කුමක්ද යන්න පූර්ව නිගමනවලට එළඹීම වින්දිත පාර්ශවය මෙන්ම වෛද්‍ය නිලධාරීන්ට ද සිදුවන අසාධාරණයක් බව අවධාරණය කරයි.
- කොළඹ පැවති විරෝධතාවයක් වාර්තා කරන අතරතුර මාධ්‍යවේදී තරිඳු උඩුවරගෙදරට පහර දී අත්අඩංගුවට ගැනීමට බොරැල්ල පොලීසිය කටයුතු කිරීම සම්බන්ධයෙන් පළවන වාර්තා පිරික්සීමට කටයුතු කළ බව ශ්‍රී ලංකා මානව හිමිකම් කොමිෂන් සභාව පවසයි: කොමිසමේ කඩිනම් ප්‍රතිචාර කණ්ඩායම බොරැල්ල පොලිසියට පැමිණ තරිඳුගේ තත්ත්වය විමසීමට කටයුතු කළ බව පවසයි: මෙම සිදුවීමට සම්බන්ධ යැයි කියනු ලබන සියලු පාර්ශ්වවලින් වාර්තා කැඳවා ඔවුන් සියල්ල කැඳවා පරීක්ෂණයක් පවත්වන බව ද පවසයි.
- ශ්‍රී ලංකාව ත්‍රස්තවාදයට එරෙහිව දැඩිව පෙනී සිටින අතර, ත්‍රස්තවාදී ක්‍රියාකාරකම්වලට අනුබල දෙන කිසිඳු ආකාරයක ප්‍රයද්නයකට ඉඩ නොදෙන බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් පවසයි: ෆෙතුල්ලා ගුලෙන් නම් කණ්ඩායම් විසින් නායකත්වය දෙන ෆෙතුල්ලා ත්‍රස්තවාදී සංවිධානයට (FETÖ) එරෙහිව සටන් කිරීම සඳහා ශ්‍රී ලංකා රජය, ආරක්ෂක අංශ, බුද්ධි අංශ ආදිය විසින් ලබා දෙන සැලකිය යුතු දායකත්වය සම්බන්ධයෙන් තුර්කිය ශ්‍රී ලංකා රජයට ප්‍රශංසා කරයි.
- 2023 ජනවාරි 1 සිට ජූලි 27 දක්වා මෙරටට පැමිණි සංචාරකයන් සංඛ්‍යාව 748,377ක් ලෙස වාර්තා වේ: එය 2022 වසරේ මුළු සංචාරකයන් සංඛ්‍යාව වූ 719,978 ඉක්මවා තිබේ: මෙම වසරේ මුල් මාස හත තුළ සයවන වරටත් සංචාරක පැමිණීම් 100,000 ඉක්මවා, ජූලි මස තුළ සංචාරක පැමිණීම් 120,000 ඉක්මවා තිබේ: සංචාරක පැමිණීම්වලින් 20,770ක් වාර්තා කරමින් මුළු පැමිණීමෙන් 17%ක් ම ඉන්දියාවෙන්: ඉහළම සංචාරක වෙළඳපොල ඉන්දියාවෙන්: චීනයෙන් සංචාරක පැමිණීම් 8,446 වාර්තා කරමින් මුළු පැමිණීමෙන් 7% වාර්තා කරයි.
- ගයාංජලී අමරවංශගේ නායකත්වයෙන් යුත් ශ්‍රී ලංකා දැල්පන්දු කණ්ඩායම දකුණු අප්‍රිකාවේ කේප් ටවුන්හිදී පැවැති ලෝක කුසලාන දැල්පන්දු තරඟයේදී වේල්සය හමුවේ ලකුණු 56-68කින් පරාජයට පත් වෙයි: තියුණු තරඟයකින් පසු වේල්සය ලකුණු 12 ක පරතරයක් සමඟ ජයග්‍රහණය අත්කර ගනියි.
