කොළඹ LNW:ලංකා ඛනිජ තෙල් සංස්ථාව සහ IOC සමගම විසින් ඊයේ (01) දින යළි ඉන්ධන මිල වැඩි කර තිබෙන අතර දැන් හෝ ගාස්තු සංවර්ධන කමිටුව යාවත් කාලීන කරන ලෙස සමස්ථ ලංකා ත්‍රිරෝද රථ රියදුරන්ගේ සංගමය අවධාරණය කරයි.
එහි සභාපති ලලිත් ධර්මසේකර මහතා සඳහන් කරන්නේ මේ වන විට සිපෙට්කෝ,IOC සහ සිනොපෙක් අතර ඉන්ධන මිලෙහි රු. 07.00 ක වෙනසක් පවතින බවත් වෙළෙඳපොලේ මෙලෙස මිල දෙකකින් ඉන්ධන මිල පැවතීමම ප්‍රශ්න සහගත බවයි.
නමුත් මේ මොහොතේ ත්‍රිරෝද රථ ගාස්තු වැඩි වීමක් සිදුනොකරන බවද ඔහු කියා සිටියි.
”ගොඩක් පෙට්‍රල් ෂෙඩ්වල හුලන් ගහන්න පොම්පයක් නෑ. කරුණාකරලා නිකන් දෙන හුලන් පොම්පය දෙන්න. අනිත් තැන් වල එක රෝදයකට හුලන් ගහන්න රුපියල් 29ක් ඕනේ. රියදුරන්ට අපි කියනවා සිනොපෙක් ගහන්න. ඒ වාසිය ගන්න. වාසිය මගියාට දෙන්න. රියදුරන්ගෙන් ඉල්ලනවා ගාස්තු වැඩි කරන්න එපා කියලා.” යනුවෙන් ධර්මසේකර මහතා ප්‍රකාශ කරයි.
ASK
