කොළඹ LNW:ජනාධිපති රනිල් වික්‍රමසිංහ මහතා සහ විශ්ව විද්‍යාල ආචාර්යවරුන්ගේ සමිති සම්මේලනය අතර අද (13) ජනාධිපති ලේකම් කාර්යාලයේදී සාකච්ජාවක් පැවැත්විය.
ඒ, මේ වන විට විශ්ව විද්‍යාල ආචාර්යවරු මෙන්ම රාජ්‍ය විශ්ව විද්‍යාල පද්ධතිය මුහුණ දී සිටින අර්බුද සම්බන්ධයෙන් සාකච්ජා කිරීම සඳහාය.
එම සාකච්ජාවෙන් අනතුරුව විශ්ව විද්‍යාල ආචාර්යවරුන්ගේ සමිති සම්මේලනයේ සභාපති භරණ ජයවර්ධන මහතා මාධ්‍ය වෙත අදහස් දක්වමින් පැවසුවේ විශ්ව විද්‍යාල පද්ධතියේ පවතින ප්‍රශ්න සම්බන්ධයෙන් ජනාධිපතිවරයා අවබෝධයක් ලබාගත් අතර අයවැය සමඟ සුභදායක ප්‍රතිචාරයක් බලාපොරොත්තු වෙන බවයි.
”අපි සෑහෙන කරුණු එතුමාට පැහැදිලි කළා. කොතරම් අඩුපාඩු තියෙනව ද කොතරම් ආචාර්යවරු රට හැර ගිහින් තියෙනවද කියලා පැහැදිලි කළා. අපි බලාපොරොත්තු වෙනවා සුභවාදී පිළිතුරක්. එසේ නොවුණොත් විශ්වවිද්‍යාල පද්ධතියම අගාධයට යනවා. ජනාධිපතිතුමාට ප්‍රශ්නය තේරුණා. එතුමාගෙන් ස්ථිර පිළිතුරක් ලැබුණේ නැහැ. එතුමා තේරුම් ගත්තා අපි පත්වෙලා තියෙන ආර්ථික අපහසුතාවයන්. ජනාධිපතිතුමා මාසයක් දෙකක් ඇතුළත සුභවාදී පිළිතුරක් ලබා දෙයි කියලා බලාපොරොත්තු වෙනවා. අපි බලාපොරොත්තු වෙනවා අයවැයෙන් විශ්වවිද්‍යාල පද්ධතියේ ආචාර්යවරුන් රට හැරයාම නවත්වන්න වැඩපිළිවෙළක් කරයි කියලා. ජනාධිපතිතුමා කෙළින් පිළිතුරක් ලබා නොදුන්නට අපි හිතනවා එතුමාගේ ස්වභාවයෙන් මෙයට පිළියමක් ලබා දෙයි කියලා. ජනාධිපතිතුමා ඒ ඒ ක්ෂේත්‍රවලට වෙන වෙනම සාකච්ඡාවක් ලබා දීලා තිබ්බේ.” යනුවෙන් ඔහු වැඩිදුරටත් ප්‍රකාශ කළේය.
ASK
