ලබන වසරේ කිසිදු ආහාර හිඟයක් ඇති නොවන බව තමන් කෘෂිකර්ම අමාත්‍යවරයා ලෙස වගකීමෙන් යුතුව ප්‍රකාශ කරන බව කෘෂිකර්ම අමාත්‍ය මහින්දානන්ද අලුත්ගමගේ මහතා අවධාරණය කරයි.
“රසායනික පොහොර සමාගම්වල නියෝජිතයින් පවසනවා ආහාර හිඟයක් ඇතිවෙනවා කියලා. අද දිනයේ මම ලංකාවේ දිස්ත්‍රික්ක 25 ම කෘෂි ක්ෂේත්‍රයේ නිලධාරීන් සමග සමාලෝචනයක් කළා. ලක්ෂ 8ක් වගා කරලා තියෙනවා, නිෂ්පාදනයේ පොඩි අඩුවීමක් වෙයි, නමුත් කිසිදු ආහාර හිඟයක් ඇති නොවන බව ඔවුන් ශපථ කළා.
එළවලු සඳහා පොහොර අපි ආනයන කරලා තියෙනවා. ජනවාරි පොහොර ටික එනවා. ඒ නිසා කෘෂිකර්ම ඇමතිවරයා හැටියට මම වගකීමකින් කියනවා ලබන වසරේ මේ රටේ කිසිදු ආහාර හිඟයක් ඇතිවෙන්නේ නැති බව”
අමාත්‍ය මහින්දානන්ද අලුත්ගමගේ මහතා මේ බව පැවසුවේ ඊයේ (23) දිනයේදී මාධ්‍ය වෙත ප්‍රකාශයක් ලබාදෙමිනි.
RN
